ഇയിടെ രാത്രി
എന്നും മഴയാണ് .....അപ്പു ഓര്‍ത്തു രാവിലെ
പെയുന്ന മഴ കൂടാതെയാണ് രാത്രി പെയുന്ന മഴ ...
രാത്രിമഴ കാണാന്‍ ഒരു പ്രത്യേക ചേലാണ് ...കൂടിയും കുറഞ്ഞും ...ഒരേ തലത്തില്‍
ലയത്തില്‍ , എല്ലാവരും ഗാഡ
നിദ്രയില്‍ മുഴുക്കുമ്പോള്‍ മഴ ആ തക്കം നോക്കി വരും ...ആരോടോ രഹസ്യം പറയാന്‍ എന്നാ
പോലെ , പിന്നെ വ തോരാതെ
പറച്ചിലാണ് ? ആര്‍ക്കറിയാം
ചില്ലപ്പോള്‍ പരിഭവം ആക്കും , ഇടയ്ക്കു പെട്ടന്ന്
ശബ്ദം നില്ലക്കും , തിരിച്ചു മണ്ണും ,
മരങ്ങളും പറയുന്നത് കേള്‍ക്കുകയാനെന്നു തോന്നും
, അങ്ങനെ മഴ ഒഴിഞ്ഞാല്‍
ഇലകളില്‍ തട്ടി താഴോട്ട് വീഴുന്ന വെള്ളത്തുള്ളികളുടെ മരമരം കേള്‍ക്കാം , ചീവിടുകള്‍ എല്ലാം കേള്‍ക്കുന്ന കാരണവന്മാരെ
പോലെ അല്‍പ്പം ഗംബീര്യതോടെ മൂളും , പിന്നെ ആരെയോ
ശകാരിക്കും വണ്ണം എല്ലാ ചീവിടുകളും ഉച്ച ഉയര്‍ത്തിയും , താഴ്ത്തിയും സംവദിച്ചു കൊണ്ട് ഇരിക്കെ മഴ പിന്നെയും വരും ,
പിന്നെയും കുറെ കഥകള്‍ ആണെന്ന് തോന്നുന്നു ,
തവള കരയുകയും , നത്തു കരയുന്നതും ഒക്കെ കേള്‍ക്കാം , പക്ഷെ ആരെയും കാണില്ല , ശബ്ദങ്ങള്‍ മാത്രം . സത്യത്തില്‍ ഇവര്‍ എന്തിനാണ് ഒളിച്ചു
ഇരിക്കുന്നത് ? അതോ ഇവര്‍
ശബ്ദങ്ങള്‍ മാത്രം ആണോ ? മുത്തശ്ശി പണ്ട്
പറയും യക്ഷികള്‍ അങ്ങനെയാണത്രേ . യക്ഷി വരുമ്പോഴാണ് പട്ടി ഓളിയിടുന്നതും , നത്തു കരയുന്നതും കേള്‍ക്കുന്നത് !!
മുത്തശിക്ക് വയ്യാതെ ആവുന്നതിനു മുന്‍പ് എത്ര രസമാര്‍ന്നു , സന്ധ്യക്ക്‌ നാമജപം കഴിഞ്ഞാല്‍ പിന്നെ മുതസ്സിക്ക്
ഉണ്നുന്നതിനു മുന്‍പ് മുറുക്കണം , അപ്പോള്‍ അപ്പു
അടുത്ത് ചെന്ന് ഇരിക്കും , അപ്പുവിനു
തോന്നിയതൊക്കെ പറയും , പാടത് കളിച്ചതും ,
മാങ്ങ ഒറ്റയെറിനു വീഴ്ത്തിയതും , ചെമ്പോത്തിനെ തപ്പി പോയതും ഒക്കെ . ഉണ്ട്
കഴിഞ്ഞാല്‍ അപ്പു പിന്നെ മുത്തശിയുടെ മടിയില്‍ കിടക്കും , പിന്നെ മുത്തശിയുടെ ഊഴമാണ് . എത്ര എത്ര കഥകളാണ് , മുറുക്കി തുപ്പും പോലെ കടും നിറമുള്ള രസികന്‍
കഥകള്‍ . പക്ഷെ മുത്തശ്ശി ഇപ്പൊ കഥ പറയാറില്ല , പാവം വയ്യാതെ കിടക്കുകയാണ്
അമ്മായി ഇടയ്ക്കിടയ്ക്ക് മുത്തശ്ശിയെ ചീത്ത
പറയും , കിടക്കിയില്‍ മുത്തശ്ശി
മൂത്രം ഒഴിക്കും ത്രെ !!! അത് എന്നിട്ട് നാട് നീളെ പറഞ്ഞു നടക്കും , എന്നിട്ട് വൈകുനേരം അപ്പുന്റെ അമ്മ ജോലി
കഴിഞ്ഞു വന്നിട്ടാണ് കഴുക്കി മുണ്ട് മാറ്റി കൊടുക്കുക , എല്ലാം അപ്പുന്റെ അമ്മയാണ് ചെയുക്ക , അപ്പുന്റെ അമ്മ ടീച്ചര്‍ ആണ് , പക്ഷെ ആരെയും തല്ലില്ല ത്രെ , എല്ലാവര്ക്കും അമ്മയെ ഇഷ്ട്ട , അപ്പുനും ഇഷ്റ്റാ ,
മുതസ്സിക്കും ഇഷ്ട്ട !! അമ്മ പൊന്നു പോലെ
മുത്തശ്ശിയെ നോക്കും അല്ലാതെ അമ്മായിയെ പോലെ അല്ല !! എനാലും അമ്മായി അപ്പുറത്തെ
വീട്ടില്‍ പോയി പറയും പണി ചെയുന്നത് മൊത്തം അമ്മായി ആണത്രേ !! കല്ല്‌ വെച്ച നുണ ,
അപ്പുന് ദേഷ്യം വന്നു , മുത്രം ഒഴിച്ച പിന്നെ ആ മുറിയില്‍ പോലും കേറില്ല. അമ്മാവന്‍
പട്ടാളത്തില്‍ ആണ് , കഴിഞ്ഞ ലീവിന്
വന്നപ്പോ ഇവിടെ ആകിയിട്ടു പോയതാണ് . പാവം അമ്മയും മുത്തശ്ശിയും !!!
പക്ഷെ അപ്പു അങ്ങനെ അല്ല ,
മുത്തസ്സിക്ക് വെള്ളം കൊടുക്കും , മുണ്ട് വേറെ കൊടുക്കും , കഞ്ഞി കോരി കൊടുക്കും , അപ്പൊ മുത്തശ്ശി കരയും !! അപ്പു അപ്പൊ എല്ലാ പല്ലും കാട്ടി
ചിരിക്കും , എന്നിട്ട്
മുത്തശ്ശിയുടെ കൈയില്‍ ഉമ്മ വെക്കും , അപ്പൊ മുത്തശ്ശി ചിരിക്കും . കിക്കിളി ആവും ത്രെ ! "അപ്പു പോയി കളിച്ചോ
!! " മുത്തശ്ശി ഇപ്പോഴും അങ്ങനെയ പറയ , പഠിക്കാന്‍ പറയില്ല , വികൃതി കാണിക്കരുത് പറയില്ല , കളിച്ചോ , ഊണ് സമയം ആണെകില്‍
കഴിച്ചോ ! ഇത് രണ്ടും മാത്രം! പാവം
മുത്തശ്ശി , അപ്പു ഓര്‍ക്കും ,
വല്ലുതായി നല്ല ജോലി കിട്ടി മുത്തശ്ശിയെ
നോക്കണം , അമേരികയില്‍ കൊണ്ട് പോണം
! അപ്പുറത്തെ സതീശന്‍ പറഞ്ഞതാണ് , അമേരികയില്‍
എല്ലാ അസുഖവും മാറും ത്രെ !! മാറിയ പിന്നെയും പോയി മടിയില്‍ കിടന്നു മുത്തശ്ശിയുടെ
കഥ കേള്‍ക്കണം !! അതോണ്ട് തന്നെ അപ്പു നന്നായി പഠിക്കും , ക്ലാസ്സില്‍ ഒന്ന്മാതാണ് . അമ്മക്ക് വലിയ സന്തോഷമാണ് !! ഓരോ
തവണ മാര്‍ക്ക് കിട്ടുമ്പോളും അമ്മ അപ്പുവിനു ഓരോ പുസ്തക്കം വാങ്ങി കൊടുക്കും ,
ബാലരമ , അക്ബറും ബീര്‍ബലും , നസ്സരുധിന്‍ ഹോജ അങ്ങനെ അങ്ങനെ . ഇപ്പൊ നാമം ചൊല്ലി കഴിഞ്ഞ
അപ്പു മുത്തശ്ശിയുടെ കൂടെ ചെന്ന് ഇരിയ്ക്കും , പഠിക്കും , പഠിച്ചു കഴിഞ്ഞ
പിന്നെ മുത്തശ്ശിയെ കഥ വായിച്ചു കേള്‍പ്പിക്കും !! അപ്പുവും അമ്മയും മുത്തശ്ശിയുടെ
മുറിയിലാണ് കിടക്കാര് . ഇന്ന് എന്തോ ഉറക്കം വരുന്നില്ല , നാളെ രാമായണ മാസം തുടങ്ങും , മുത്തശ്ശിയുടെ കൈയില്‍ രാമായണം ഉണ്ട് , മുത്തശ്ശി പണ്ട് എന്നും വായിക്കും , രാമായണ മാസത്തില്‍ കുറെ നേരം വായിക്കും ,
കഴിഞ്ഞ കൊല്ലം ആണ് മുത്തസ്സിക്ക് വയ്യായ കൂടിയത് , ഒന്ന് വീഴുകയും ചെയ്തു . അതില്‍ പിന്നെ കിടപ്പാണ് .
അതുകൊണ്ട് ഇത്തവണ അപ്പു വായിക്കും , രാമ ടീച്ചറോട് ചോദിച്ചു അപ്പു ഇങ്ങനെ ചൊല്ലും എന്നൊക്കെ മനസില്ലാക്കി ,
നാളെ ചൊല്ലണം , മുത്തശ്ശി ഞെട്ടും , അപ്പൊ അറിയാത്ത പോലെ വായിക്കണം , അപ്പോഴേക്കും മുത്തശ്ശി കരയും , നാളെ അമ്മയോട് കൂടെ ഇരിക്കാന്‍ പറയണം , രാമായണം വായിച്ചു കഴിഞ്ഞിട്ടലെ അപ്പുവിനു
എണീക്കാന്‍ പറ്റൂ .
ഉറക്കം വരുന്നില്ല ,
അപ്പു ഇടനാഴിയില്‍ ജനലിന്റെ അടുത്ത് പോയി
ഇരുന്നു , മഴ പെയുന്നത് നോക്കി ,
മഴയൊന്നും കാണുന്നില്ല, പക്ഷെ ഒരു രസം ! "" കുട്ട്യേ , ഇയിവിടെ എന്തെടുക്കാ ??? " അപ്പു തിരിഞ്ഞു നോക്കിയപ്പോ മുത്തശ്ശി ,
ചിരിച്ചു കൊണ്ട് അടുത്ത് ഇരിക്കുന്നു ! "
അയ്യോ മുത്തശ്ശി ഈ വയ്യതോടെ ന്തിനാ വന്നെ ?? " , " മുത്തസ്സിടെ
വയായ ഒക്കെ മാറി കുട്ട്യേ , അപ്പുനെ കാണാന്‍
വന്നതാ !! " അപ്പുന് വിശ്വസിക്കാന്‍ പറ്റുനില്ല , എനാലും നാളെ രാമായണം വായിക്കും പറയണ്ട , മുത്തസ്സിടെ ഒപ്പം വായിക്കണം ! " എന്താ ന്‍റെ
അപ്പു ആലോചിക്കണേ ??? " , "ഒനൂല്ല മുത്തശ്ശി , ഞാന്‍ മടിയില്‍
കിടന്നോട്ടെ ?? " , " ഇങ്ങട് വാ നീയെ ,
ഇതൊക്കെ ചോദ്ധീക്കനൊ അപ്പു " , മുത്തശ്ശിടെ മടിയില്‍ കിടന്നപ്പോ അപ്പുന്
ഭയങ്കര സന്തോഷം! " അപ്പുവേ ....."
മുത്തശ്ശി വിളിച്ചു ! "എന്താ മുത്തശ്ശി ?? " അപ്പു വിളി കേട്ടു! " ന്‍റെ കുട്ടി
നന്നായി പഠിക്കണം ട്ട്വോ ?? അമ്മയെ നന്നായി
നോക്കണം നീയ , അവള്‍ക്കു നീ
അല്ലെ ഉള്ളു " !! മുത്തശ്ശി അവന്‍റെ നെറ്റിയില്‍ തലോടി , "ഉമ്മ്മ്മ്മ്മം " അപ്പുവിനു കരച്ചില്‍
വന്ന്നു , എന്തിനാ അറിയില്ല ,
മുത്തശ്ശി ആദ്യായിട്ട പഠിക്കാന്‍ പറയണേ ,
ഞാന്‍ നോക്കും ലോ പിന്നെ എന്തിനാ പറയണേ ,
അപ്പുവിനു സ്നേഹത്തോടെ ചോദിക്കാന്‍ തോന്നി ,
പിന്നെ ചോദിച്ചില്ല , അവനു വേറെ ഒന്ന്നാണ് ചോദിച്ചത് , " മുത്തശ്ശി എനിക്കൊരു കഥ പറഞ്ഞു തരോ ??
" !! " ഓഓ ...പറഞ്ഞു തരാല്ലോ
ഒരിടത്തൊരിടത്ത് ....." അപ്പുവിന്റെ
കണ്ണു മെലെ മെലെ അടഞ്ഞു
രാവിലെ പൂവന്‍ കോഴി കൂവി അധികം
കഴിഞ്ഞില്ലാ , " അമ്മേ .....കണ്ണു
തുറക്കമേ , അമ്മെ .... അമ്മേ " , അപ്പുവിന്റെ അമ്മയാണ് കരയുന്നത് , അപ്പുവിന്റെ മുത്തശ്ശിയുടെ കാലില്‍ കിടന്നു കരയുകയാണ്,
മുത്തശ്ശി അനക്കമിലാതെ കിടക്കുന്നു , ദേഹം തണുത്തു ഇരിക്കുന്നു , അടുത്ത വീട്ടില്‍ നിന്ന് ലൈറ്റ്
ഇടുന്നതും , വാതില്‍
തുറക്കുനതും ആയ ഒച്ച , അപ്പുവിന്റെ അമ്മായിയും എണീറ്റു , പക്ഷെ അപ്പു ഇതൊന്നും അറിയാതെ അവന്‍റെ
മുത്തശ്ശിയുടെ മടിയില്‍ തല വെച്ച് ഉറങ്ങുകയാണ് !!!
