പൊരുത്തപെടനാവാത്ത യഥാര്ത്യങ്ങള്‍ ഒരു ഓര്‍മ്മ

ഒരു എഴുത്തുകാരൻ എന്നാ രീതിയിൽ ഞാൻ അംഗീകരിക്കപ്പെടുന്നത് , ജ്യോതി എഞ്ചിനീയറിംഗ് കോളേജിൽ പഠിക്കുമ്പോഴാണ് , 2010ൽ ആണ് എന്ന് തോന്നുന്നു , ഞാൻ എഴുതിയ ഒരു കഥ കോളേജ് മാഗസിനിൽ വരുന്നത്. ഏതോ ക്ലാസ്സിൽ ബോറടി മാറ്റാൻ ഒരു പഴയ ഡയറിയിൽ കുതികുറിച്ചത് എന്റെ പേരിൽ കഥയായി വന്നു. " പൊരുത്തപ്പെടാനാവാത്ത യാഥാർഥ്യങ്ങൾ " എന്നാണ് കഥയുടെ പേര് , ഒരു യഥാർത്ഥ അനുഭവം പോലെ എഴുതിയ ഒരു ഹൊറർ , അല്ലെങ്കിൽ ഒരു സൂപ്പർനാച്ചുറൽ കഥയായിരുന്നു അത്. ആരെങ്കിലും അത് ഓർക്കുന്നുണ്ടോ എന്ന് അറിയില്ല , അവർ ഇത് വായിക്കുമോ എന്നും. അന്ന് എന്നോട് ഒരുപാട് പേര് ഇതിന്റെ സത്യം അന്വേഷിച്ചിട്ടുണ്ട്. രാത്രി ആ കാലങ്ങളിൽ സ്ഥിരമായി ഇറങ്ങി നടക്കുമായിരുന്നു , എന്ന് വെച്ചാൽ ഒരു 11 മണി ആവുമ്പോൾ മിക്കവാറും വീട്ടിൽ എത്തും , എന്നിട്ടു ടെറസിൽ ഇരുന്നു നേരം വെളുപ്പിക്കും , അതുകൊണ്ടു തന്നെ അന്നത്തെ കാലത്തു ചിന്തകൾക്കും , ഇത്തരം നേരമ്പോക്കിനും ഒരു കുറവും ഇല്ലായിരുന്നു. ആ കഥയിൽ പറയുന്ന സംഭവം നടന്ന വീട് ഇതാണ് , ഇന്ന് ഈ വീടിന്റെ അവസ്ഥ ഇങ്ങനെയാണ്... കളർ ഉണ്ട് , പിന്നെ ഒരു ഭീകരതക്ക് ബ്ലാക്ക് ആൻഡ് വൈറ്റ് ആകിയതാണ്..