രാത്രി നടന്നത് ....

ഇരുട്ട് കനംകുത്തി നിൽക്കുന്ന രാത്രി
അയാൾ മൂളി പാട്ടും പാടി
ബൈക്ക് ഓടിച്ചു വരുന്നു.
ഒരു വളവ് തിരിയാവേ ഹെഡ് ലൈറ്റിന്റെ വെളിച്ചത്തിൽ ഒരു കുട്ടിയെ കാണുന്നു.
ബൈക്ക് നിർത്തി കുട്ടിയോട് അയാൾ
വിവരം അന്വേഷിക്കുന്നു.
ഒന്നും പറയാതെ കുട്ടി എങ്ങോട്ടോ വിരൽ ചൂണ്ടുന്നു.
അയാൾ കുട്ടിയെ വണ്ടിയിൽ കയറ്റി മുന്നോട്ടു പോകുന്നു.
കുട്ടി കൈ ചൂണ്ടി തന്നെയിരിക്കുന്നു.
അയാൾ കുട്ടിയെ വീട്ടിലേക്കു കൊണ്ടുപോകുന്നു.
ബൈക്ക് നിർത്തി വാതിൽ തുറന്നു
കുട്ടിയെ അകത്തേക്ക് വിളിക്കുന്നു.
കുട്ടി ഒന്നും മിണ്ടാതെ ചെളി പുരണ്ട
കാൽപ്പാടുകൾ ബാക്കി വെച്ച് ഉള്ളിലേക്ക് നടന്നു പോകുന്നു.
അയാൾ കാൽപ്പാടുകൾ നോക്കുന്നു ,
മുന്നോട്ടു നടന്ന കുട്ടിയുടെ കാൽപ്പാടുകൾ പുറകോട്ടു തിരിഞ്ഞിരുന്നു.
കാലിൽ ചളിയല്ല ചോരെയെന്നു അറിയുന്നു.
കുട്ടി കയറിയ മുറിയിലേക്കു അയാൾ പേടിയോടെ നോക്കുന്നു.
അയാളുടെ പുറകിൽ തുറന്നു കിടന്ന വാതിൽ താനേ അടയുന്നു. അയാൾ അലറുന്നു.പിറ്റേന്ന് കുട്ടി കൈ ചൂണ്ടിയ വഴിയിൽ
ഒരു ചെറുപ്പുകാരൻ ബൈക്ക് അപകടത്തിൽ മരിച്ചതായി കാണുന്നു.
ഹരി